Ikastolako historia
Baionako Hiriondo Ikastola, POLO bezala ezaguna dena, 1993tik da Polo Beyris auzoan. 40 urte baino gehiago dira jada euskarazko murgiltze eredua bultzatzen dugula!
Ongi etorri gure ikastolara, eskuragarri eta familiarra izan nahi duen ikastolara, idekia eta haurren garapena zaintzen duena.
Komunikazio erregulara dugu hari nagusia: haur eta erakasleen artean, langileekin, gurasoekin, eta kanpoko parte hartzaileekin. Biharko helduen loratzea da hezkuntza talde guziaren helburua, eskola mailan bai eta gizaki gisa orokorrean, eta beti ere, euskaraz !
Hiriondo Ikastolako lehendakariak
Gure funtzionamendua
Euskara, ikastolako erakaskuntza hizkuntza
Baionako Hiriondo ikastola, beste ikastolak diren bezala, Seaska federakuntzaren elkarte moduko ikastetxea da, erakasle, langile eta guraso guziek kudeatzen dutena.
Haur hezkuntzatik 1. urteraino, irakaskuntza denbora osoki euskaraz iragaten da.
2. urtetik 5. urtera frantsesa progresiboki sartuko da irakaskuntza denboran, 5. urtean, zuen haurrek, bi hizkuntzak bat bestea bezain ongi menperatzeko helburuarekin.
Pedagogia eta kopuruak
Ikastolak 70 haur inguru ditu 9 hezkuntza
mailendako, 4 gelatan banaturik.
Haur bakoitzak bere nortasuna eta ikasteko manera berezia du, ikastolako erakasle eta langileek hori kontuan hartzen dugu. Zure haurra izaki berezi giza ikusten dugu, aktore, aktibo, sentsua bilatzen eta ematen duena. Pedagogia desberdinduak haur bakoitzaren berezitasuna kontuan hartzen du, hurbiltze-moduak dibertsifikatuz.
Pedagogia aktiboak haurra ekintzan ematen du (horrela du ulertzen, sortzen, aitzinatzeko ahala eskuratzen).
Ekipamendu bat ziklo bakoitzeko
Haur hezkuntza eta lehen maila : 3 ziklo, 2
espazio, 2 jostaleku banatuak.
Haur hezkuntzako 2,3,4 et 5. urtekoentzat :
- Etzanaldirako gela, beharrezkoa baldin bada
eta gurasoek hala nahi izanez gero. - Psikomotrizitate gela, aldi berean jolas gela
izan daitekeena edota elkarretaratzeko gela. Gela honek ere, euri egunetan, txikien jostaldia barne hartzen du. - Kanpoko eta beraien adinera egokitutako
jolasen ekipamendua duen jostalekua.
Lehen maila 1. , 2., 3., 4. eta 5. urtekoentzat:
- Informatika gela
- 2 aterpe, frontoi bat eta markatua duen zelai
baten jostalekua.
Eskola Erritmoak
01
Klasea
- 8:30 - 12:00
- 13:30 - 16:00
Ttipienentzako etzanaldia
Bazkaria amaitu ondoren haur hezkuntzako haurrek etzanaldia egin dezakete horretara egokitutako eta erreserbatutako gela batean. Bakoitza bere erritmora esnatzen da…
Eskola irteerak
Urte guztian zehar, irteera ezberdinak egiten dira : baratzea, zinema, ikusgarri…
Urte bukaeran ikasle guziek urte osoan landutako gaiari buruzko ikusgarri batean eta egonaldi pedagogiko batean parte hartuko dute
02
Haurzaindegia
- 7:30 - 8:30
- 16:00 - 18:30
Askari ttipi bat proposatzen zaie haurrei 17.00tan (ogia, gasna …).
Haurrak ikastola huts egiten badu ikastola deitzea edo mezu baten igortzea galdegina zaizue abisatzeko. (8 t’erdiak aitzin)
03
Jantegia
Hiru zerbitzu bermatzen dira adin tartearen arabera, haurren erritmoa errespetatzearren :
- 11:30 - 12:00 : lehen zikloko haurrentzat (haur hezkuntza)
- 12:00 - 12:30 : 2. zikloko haurrentzat (lehen mailako ttipienak)
- 12:30 - 13:00 : 3. zikloko haurrentzat (lehen mailako handienak)
Baionako Herriko Etxeak hornitzen ditu bazkariak, pentsa ezazue zuen haurren izena bertan ematea. Erreserbaketak haien webgunetik egiten dira. Menuak, on-line kontsultatu daitezke.
Komunikazioa & guraso taldeak
Oharrak emailez bidaltzen dira. Noiztenka dokumentu batzuk haurren karpetetan atzemango dituzue.
Gurasoen artean komunikatzeko gela bakoitzak
bere Whatsapp taldea du.
Aitamen inplikazioa ezinbestekoa da ikastolaren bizian. Hona hemen guraso batzordeen zerrenda.
- Ikastolako bulegoa
- Egoitza taldea
- Euskaraz bizi
- Ikastolen kontseilua
- Txintxuketa taldea
- Hezkuntza taldea
- Langile taldea
- Garapena taldea
- Integrazio batzordea
- B.I.L.
- Herri Urrats taldea
Eskolatze gastuak
- 45€ hilabeteka haur batengatik
- 65€ hilabeteka 2 haurrengatik
- 75€ hilabeteka 3 haurrengatik
Hornigaietan, pintxoetan, irteeretan parte hartzea
5 €-ko parte hartzea hilabetero haurka fruitu batentzat goizero (hornitzailea: Les Jardins de la Nive/Rue Pannecau/Baiona).
Eskola irteeren gastuetan parte hartzea, kasua bada ( 10 hilabetetan) : 60€ urtero
Seaska & Tonbola Herri Urrats egutegietan parte hartzea
7,70 €/familia/hilabete
Ez da zenbatu anai-arreba nagusia Seaskako beste establezimendu batean badago
Haurtzaindegia
Aurreko hilabeteko erabileraren arabera. Haurtzaindegian dagoen bezala kontatzen da, haur bat ikastolan egotea 7:30 (goizez) eta 17:00 (arratsaldez)
Prezio horien muga posible da guraso guztiek hainbat salmenta antolatzeko egiten dituzten mobilizazioei esker, eta, horrela, ikastolaren aurrekontu-oreka laguntzen du, bildutako diru-sarrerei esker.